ل ئامێدیێ داخازا مۆلەتێن پرۆژه‌یێن پەلەوەران زێدەبووینە

سنۆرێ قەزا ئامێدیێ گونجایە بۆ خودانکرنا تەرش و کەوالی و پەلەوەران، ژبەر سروشتێ وێ و ئاڤ و سه‌قایێن ساخلەمن، ژبه‌ر وێ یه‌كێ ژى جۆتیاران بەرێ خوه‌ دایە دروستکرنا پرۆژێن ب ڤی ئاوایی.
ئەندازیار ھه‌کار حه‌مید، رێڤەبەرێ چاندنێ ل ئامێدیێ بۆ خانی نیوز گۆت:  ٢٦ پرۆژێن پەلەوەران یێن دەستویردای ل سنۆرێ قەزا ئامێدیێ  هه‌نه‌ و کەفتینە کاری و خەلکی مفایەکێ باش ژێ وەرگرتیه‌ و تا راددەیەکی دەلیڤێن کاری ژى بۆ خەلکی په‌یداكرینه‌.

رێڤەبەرێ چاندنێ ل ئامێدیێ گۆت ژى: مریشکا خۆمالی یا کەفتییە د بازاری دا، دئەڤ سالەدا ١٣ جۆتیاران داخوازا مۆلەتا پرۆژێن پەلەوەرا ژ وان کریه‌ و مامەلێن وان یێن ھاتینە بلندکرن بۆ جھێن پەیوەندیدار، ھەردەما مۆلەتێن وان ھاتن دێ چەندین دەلیڤێن دی یێن کاری ل دەڤەرێ پەیدابن و ھەروەسا دێ رێژا مریشکێن خۆمالی ژی د ناڤا بازاری دا زێدەتر لێ ھێتن .

خانی نیۆز،  سامی رێکانی