عەلی عەونی: حەشدا شەعبی دژی ئارامییا دەڤەرێ یە

ئەندامەکێ سەرکردایەتییا پارتی یا دیمۆکراتا کوردستانێ کریارا شڤێدی یا ل ھەولێرێ درۆستبووی ب کریارەکا تیرۆرستی ب ناڤ دکەت،  بۆ خانی نیوز دیاردكه‌ت: ئەو کریارا شڤێدی ل ھەۆلیرێ درۆستبووی کریارەکا تیرورستی یە و ئارمانجا وان تنێ ترساندنا خەلکێ سڤیل بوویە.
عەلی عەونی ئەندامێ سەرکردایەتییا پارتی یا دیمۆکراتا کوردستانێ خویاکر ژی ئەو کارە گرۆپەکێ ژ گرۆپێن حەشدا شەعبی ب ستوویێ خوه‌ڤە گرتییە، رامان ژێ ئەوە حەشدا شەعبی دژی ئارامییا دەڤەرێ یە، ئەڤ کریارە خزمەتا ئیراقێ بخوە ژی ناکەت، و رەوشا ئیراقێ خراپ دێ خراپتر لێ کەت، گۆت ژی ئەگەر حکومەتەک ب ناڤێ ئیراقێ ھەیە دڤێت وان گرۆپان بگرن و بدەنە دادگەھێ.
دەربارەی ئارمانجا وی گرۆپێ تیرورستی عەلی عەونی دازانین: ئارمانجا وان تنێ پەیداکرنا ترسێ یە دناڤ دلێ خەلکێ دا، لێ ب خۆشحالیڤە خەلکێ ھەرێمێ ب باشترین شێوە پشتەڤانییا حکومەتا ھەرێمێ کر.
وی ئەندامێ سەرکردایەتییا پارتی ئاشکرا کر ژی: بلا گرۆپێن حەشدێ باش بزانن نەشێن ب وان کریارێن تیرۆرستی زیانێ بگەھینە ھەرێمێ، ب تنی مللەتی د ترسینن، گۆت ژی: مللەتی مە کارەساتێن مەزنتر دیتینە ئەو کارە کارتێکرنێ ل مۆرالا وان ناکەن.

خانى نیوز، عه‌بدوللا عه‌لى