<h3 style="text-align: justify;"><span style="font-size: 18pt;">وەزیرێن بەرگریێ یێن ههڤپهیمانییا باكورێ ئهتلهسى ناتۆیێ پێشنیازا زێدهكرنا ههژمارا سەربازێن خوه ژ 500 سەربازان بۆ 4 هزار و 500 سهربازان ل ئیراقێ كریه.</span></h3> <h3 style="text-align: justify;"><span style="font-size: 18pt;">ههڤپهیمانییا ناتۆ ئاشكرا كر: ل گەل كێمبوونا بهلاڤبوونا پهژیكا کۆرۆنایێ ئەو دێ هێزێن خوه ل ئیراقێ زێدە کەن.</span></h3> <h3 style="text-align: justify;"><span style="font-size: 18pt;">وەزیرێن بەرگریێ یێن ناتۆیێ د كۆمبوونا رۆژا پێنجشەمبییا بهێت دا، كو دێ ب رێیا ئینتەرنێتێ هێته كرن، دێ پێشنیازا زێدهكرنا 500 سەربازان ل ئیراقێ، بۆ 4 هزار یان 5 هزار سەربازان پەسەند بكەن.</span></h3> <h3 style="text-align: justify;"><span style="font-size: 18pt;">یانز ستۆلتنبێرگ ئەمیندارێ گشتی یێ ناتۆیێ </span>دوهى راگەهاندبوو، ئهو پێشبینی دكهت وەزیرێن بەرگرییا ناتۆ كار ل سەر بریارا بهرفرەهكرنا كارێن ناتۆیێ ل ئیراقێ بكەن.</h3>
