نه‌ته‌وه‌یێن ئێكگرتى هێرشا سه‌ر هه‌ولێرێ شه‌رمزار كر

سكرتێرێ گشتى یێ نەتەوه‌یێن ئێكگرتی و هنارتیا وى یا تایبەت ل ئیراقێ هێرشا مووشەکییا سەر هەولێرێ ب تووندی شه‌رمزار كر.

 ئەنتۆنیۆ گوتیرێز، سکرتێرێ گشتیی یێ نەتەوەیێن ئێكگرتى د راگه‌هاندنه‌كێ دا ل دۆر بجهئینانا بریارا 2522 و كارێن یونامى ل ئیراقێ راگه‌هاندن؛ هێرشا لسه‌ر هنارتی و دبلۆماسیێن وان ل ئیراقێ جهێ دلگرانیێ یه‌، و داخواز ژ حكومه‌تا ئیراقێ دكه‌ت لێپرسینان بكه‌ت دگه‌ل كه‌سێن ده‌ست د وان هێرشاندا هه‌ى و ب زووترین ده‌م بهێن سزادان.

جێنین ھێنیس پلاسخارت، د تویته‌‌كێدا به‌لاڤكریه‌، ئەو هێرشا ترسنۆک ، مەترسییەکا مه‌زنه‌ بۆ سه‌ر  ئارامیا ئیراقێ. پێدڤییه‌ ئیراق ژ ململانێیا ده‌رڤه‌ بهێته‌ پاراستن و داخوازا  هه‌ماهه‌نگیێ دناڤبه‌را هه‌ولێر و به‌غدا دكه‌ت ژ بۆ راده‌ستكرنا تاوانباران بۆ دادگه‌هێ.

ب باوه‌ریا سكرتێرێ گشتى یێ نه‌ته‌وه‌یێن ئێكگرتى، ئابووریا ئیراقێ هێشتا د ره‌و‌شه‌كا خراپ دایه‌ و ئه‌گه‌رێ وێ نه‌بوونا چاكسازیێ دگه‌ل داكه‌فتنا بهایێ په‌ترولێ و ڤایروسێ كۆرۆنایێ، پێشوازیێ ل پێشنیارو بزاڤێن حكومه‌تا ئیراقێ دكه‌ن ژ بۆ چاكسازى و ئابوورى و پێنگاڤا ئێكێ یا به‌رهنگاربوونا وان ئاسته‌نگان بدانن..