ئەڤرۆ چوارشەمبى 17-2-2021، ئاژانسا نووچه‌یێن (سانا)ی سەر ب رژێما سووریا به‌لاڤكرییه، کو سوپایێ ئەمریکا دێ بنگه‌هه‌كێ سەربازیێ دی ل ده‌ڤه‌را مالکییە ل پارێزگه‌ها حەسەکە، دروست که‌ت.
ئەو بنگەهێ سەربازیێ نوو یێ سوپایێ ئەمریکا دكه‌ڤیته سێگۆشه‌یا سنووری یا د ناڤبه‌را هەرێما کوردستانێ، تورکیا و رۆژئاڤایێ کوردستانێ.
سانا ئاماژه ب هندێ کرییه، کو ل داویا هه‌یڤا 1 ل ئه‌ڤ ساله، سوپایێ ئەمریکا بنگەهه‌كێ سەربازی ل باژێرێ تەل عەلۆ لە ده‌ڤه‌را یەعروبییە ل گوندێن حەسەکە، دروست دكه‌ت.
دهێـه زانین پێشتر باس ل رێكه‌فتنه‌كا دناڤبه‌را توركیا و ئیراقێ دا دهاته كرن كو ده‌رگه‌هه‌كێ سنوورى ل ئه‌وێ سێگۆشه‌یێ بۆ ئالۆگۆرا بازرگانییا دناڤبه‌را ئیراقێ و توركیا دا بهێته دروستكرن، لێ ره‌نگه ئه‌ڤ پرۆژه‌یێ ئه‌مریكا داویێ ب هزرا ئه‌وى پرۆژه‌یێ توركیا و ئیراقێ بینیت.
