پەیڤدارا کۆچکا سپی راگەهاند، سەرۆکێ ئەمریکا حەزدکەت وەلاتێن عەرەبی تێچوویێ شەیێ ئیرانێ بێخنە سەر ستۆهێ خۆ، بەحسێ وێرانکرنا کێلگەهێن نەفتێ یێن ئیرانێ کر، ئەگەر دەرتەنگێ هورمز نەهێتە ڤەکرن.
ئەڤرۆ سێشەمبی، 31ێ ئادارا 2026، کارۆلاین لیڤیت، پەیڤدارا کۆچکا سپی بۆ رۆژنامەڤانان دیار کر کو دۆنالد ترەمپ، سەرۆکێ ئەمریکا، دڤێت وەلاتێن عەرەبی بانگهێشت بکەت داکو پشکدارییێ د دانا تێچوویێ شەڕێ ئیرانێ دا بکەن.
کارۆلاین لیڤیت زێدەتر دیارکر: وێ نەڤێت پێش هەلویستێ سەرۆکێ ئەمریکا بکەڤیت، بەلێ ئەڤە هزرەکا پەسەندکرییە ل دەڤ دۆنالد ترەمپی و د پاشەرۆژێ دا دێ زانیارییێن زێدەتر ل سەر ڤێ چەندێ هێنە بەلاڤکرن.
هەروەسا ئاماژە ب وێ چەندێ ژی کر، کو گۆتوبێژ دگەل ئیرانێ د بەردەوامن و ب باشی برێڤە دچن، هەورەسا ئەو تشتێ تەهران د راگەهاندنان دا دبێژیت، جودایە ژ وێ یا د ژوورێن گرتى دا ب بەرپرسێن ئەمریکا دبێژیت؛ ئیران د کۆمبوونێن تایبەت دا ب چەند خالێن واشنتۆنێ رازی بوویە.”