رێڤەبەرێ ئۆفێسا دهۆك یا كۆمیسۆنا بالا یا سەربەخوه یا هەلبژارتنان ل ئیراقێ دیار كر كو بەلاڤكرنا كارتێن دەنگدانێ ل پارێزگەها دهۆكێ ب رێژا 92% ب دووماهى هاتییه. هەتا نۆكە پتر ژ68% وەلاتیێن دهۆكێ هاتینە تۆماركرن.
خالد عەباس، رێڤەبەرێ ئۆفێسا دهۆك یا كۆمیسۆنا بالا یا سەربەخۆیا هەلبژارتنان ل ئیراقێ بۆ خانى نیوز راگههاند: رێژا تۆماركرنا وەلاتیێن دهۆكێ بەرەڤ بلندبوونێ چوویە. رۆژانە پتر ژ هزار ههتا هزار و پێنج سهد دەنگدەران ل 41 بنگەهێن تۆماركرنێ دهێنە تۆماركرن و هژمارا تیمێن گەرۆك ژی ل دهۆكێ هاتینە زێدەكرن بۆ 30 تیمان، بۆ وێ چەندێ پتر وەلاتی بهێنە تۆماركرن.
خالد عهباس، ئاماژه ب هندێ ژى دا كو پێشبینیێ دكهت ههتا ههیڤا حهفت دێ تۆمارا بایۆمەتری یا بەردەوام بیت. داخوازێ ژ خەلكێ خۆ دكەین قەستا بنگەهێن تۆماركرنێ بكەن ب تایبەتی ژی ژدایكبوویێن سالێن 2001 و 2002ێ و 2003ێ داكو بشێن بەشداری هەلبژارتنان دا بكەن.
ههروهسا تۆمارا بایۆمهترى یا ئاوارهیان ژى دهست پێكرییه و بۆ ههر كهمپهكا سنورێ پارێزگهها دهۆكێ تیمهك سهرهدانا وان دكهت، چونكى یێ خوه تۆمارنهكهت نهشێت پشكداریێ د دهنگدانێ دا بكهت، و هژمارا وان ژى 16 كهمپن، ههتا كو ئهو كهسێن خوه تۆماركرین ژى دڤێت دووباره سهرهدانا بنگههان بكهن بۆ خوه پشت راستكرنێ.
خالد عەباس گۆت: پلان دگەل زانكۆیێ و پەروەردێ هاتییە دانان بۆ تۆماركرنا دەنگدەرێن ژ دایكبوویێن سالێن 2001 و 2002ێ و 2003ێ. هەموو دەنگدەر دشێن كارتا خوه یا بایۆمەتری وەربگرن كو هەتا نۆكە 92% ل دهۆكێ كارتێن دەنگدانی هاتینە بەلاڤكرن و پرۆسە یا بەردەوامە.
