مه‌سرور بارزانی پێشوازی ل پارێزگارێ نوو یێ هه‌ولێرێ كر

سه‌رۆكێ حكومه‌تا هه‌رێما كوردستانێ ئه‌ڤرۆ پێشوازی ل پارێزگارێ نوو یێ هه‌ولێرێ كر.

مه‌سرور بارزانی، سه‌رۆكێ حكومه‌تا هه‌رێما كوردستانێ ئه‌ڤرۆ پێشوازی ل ئۆمێد خۆشناو كر و داخوازا سه‌ركه‌فتنێ د ئه‌ركێن وی دا خواست، دوپات ژی كر، پێدڤییه‌ ب شێوه‌یه‌كێ دادپه‌روه‌رانه‌ خزمه‌تا هه‌موو ئاكنجی و پێكهاته‌یێن جودا یێن پارێزگه‌ها هه‌ولێرێ بكه‌ت ب تایبه‌ت خه‌لكێ هه‌ژار و كێمده‌رامه‌ت.

سه‌رۆكێ حكومه‌تێ، ئاماژه‌ كر، ب هه‌موو شێوه‌یه‌كی پشته‌ڤانێ پارێزگارێ هه‌ولێرێ یه‌ دا كو د ئه‌ركێن خوه‌ دا یێ سه‌ركه‌فتی بیت و ب باشترین شێوه‌ خزمه‌تا وه‌لاتییان بكه‌ت.

پارێزگارێ هه‌ولێرێ، سوپاسییا پشته‌ڤانییا سه‌رۆكێ حكومه‌تێ كر و پشتراستكر كو دێ د ئاستێ باوه‌ریا وان و خه‌لكی دابیت داكو هه‌ولێر زێده‌تر بهێته‌ پێشخستن.