ژ ئەگەرێ بارینا بەفرێ، شڤێدێ رێکا سەر زێری ل دەڤەرا کانی مازێ و رێکا چیایێ گارە هاتبوونە گرتن، لێ تیمێن رامالینا بەفرێ هەر سپێدێ زوو دەست ب رامالینا بەفرێ کرن و نها هەموو رێک هاتینە ڤەکرن.
نەشوان یەحیا، رێڤەبەرێ سەخبێڕی و پاراستنا رێک و پران ل پارێزگەها دهۆکێ بۆ خانی نیوز دیارکر، ل سنورێ پارێزگەها دهۆکێ تنێ ل رێکا چیایێ گارە و رێکا سەر زێری ژ بەر هاتنا بەفرێ هاتبوونە گرتن، لێ تیمێن وان شییانە هەر زوو هەموو رێکا ڤەکەن و نها رەوشا هاتن و چوونێ ل هەموو دەڤەرێن پارێزگەهێ ئاسایی یە.
رێڤەبەرێ سەخبێری و پاراستنا رێک و پران هۆشداری دانە شوفێران، گه‌رکارەکێ فەرو پێدڤی نەبیت ل دەڤەرێن چیایی هاتن چوونێ نەکەن ژبەر کو ل هندەک دەڤەران تایبەتی رێکا سیار و سپینداران بۆ چەمانکێ و گارە مژەکا مەزنە، مەودایێ دیتنێ ژی گەلەک کێمە، داکو تووشی چ روودانێن هاتن و چوونێ نەبن و سەر و سامانێ وان یێ پاراستیبیت، ناڤبری گۆت ژی: ل سەر زێری ٢٥سم و ل گاڕە ژی نێزیکی ٢٠سم بەفر باریە.
