بڕیارە ل سنوورێ قەزا زاخۆ هژمارهكا پڕۆژهیێن کەرتی گەشتۆگوزار بهێنه دروستكرن و رێڤهبهرییا گەشتوگوزارییا قەزایێ دبێژیت: پشكهك ژ وان پڕۆژهیان ل سەر ئاستێ ئیراقێ ستراتیژینه .
چیا ئەمین، رێڤهبهرێ گەشتوگۆزارا زاخۆ، بۆ خانى نیوز راگههاند: بریارە هژمارەکا بەرچاڤ یا پڕۆژان ل سنۆرێ زاخۆ بکەڤنه وارێ بجهئینانێ دا کۆ پشكهك ژ وان پرۆژان ل سهر ئاستێ ئیراقێ ستراتیژینه.
رێڤهبهرێ گەشتوگوزارا زاخۆ گۆت ژى: پڕۆژێ گەلیێ شەرانش و پرۆژێ گەلیێ زاخۆ دو پڕۆژەیێن ستراتیژییێن مهزنن كو ل سهرانسهرى كوردستانێ ههتا نوكه چ پرۆژهیێن ب ڤى شێوهى نههاتینه دروست كرن، دیزاین بۆ پرۆژهى هاتییه كرن و بریار بوو ههر گاڤا رهوشا ئیمناهیێ ل وان جهان جێگیر بوو دێ كهڤیته كارى.
گۆت ژى: پڕۆژهیێن گەشتیاری یێن گەلیێ زاخۆ و شهرانش، کو بریارە ببنه باژێرهكێ گەشتیاری و ل دویڤ ستاندارێن ئەورۆپی دێ هێنه دروست كر، ههروهسا دێ ھەموو خزمەتگوزاری د پرۆژهیێ باژێرێ گەشتیاریێ زاخۆ دا ههبن و دێ بێتە ئێك ژ مهزنترین پڕۆژێن گەشتیاری ل سهر ئاستی کوردستانێ و ههموو ئیراقێ.
چیا ئەمین دوپات كر ژى: چەندین پڕۆژهیێن دی یێن گەشتیاری د ناڤ ماستەرپلانا گەشتیارییا زاخۆ دا هاتینه ئامادە کرن، ژ وان ژى گرنگیدان ب خابوورێ زاخۆ و دروستکرنا چەندین پارک و پڕۆژهیێن ھەمەجۆر. سەرۆکێ حکوومەتا ھەرێما کوردستانێ ژى پشتهڤانییا خوه بۆ گەشەپێدانا کەرتێ گەشتیاری دیاركرییه.
