ئەڤرۆ کۆنسلخانا ئەرمینییا دێ ل هەولێرێ هێتە ڤەکرن

ئەندامەکێ ئەرمەنی ل خۆلا بەرێ یا پەرلەمانێ کوردستانێ دیارکر، ئەڤرۆ دێ ب ئامادەبوونا ژمارەییەکا زۆر یا بەرپرسێن حکومی ل هەرێم و ئەرمینییا، کۆنسلخانا ئەرمینیا دێ ل هەولێرێ هیتە ڤەکرن.

یروانت نیسان ئەمنیان، بۆ خانی نیوز گۆت: ئەڤ کۆنسلخانە دێ پەیوەندیێن سیاسی و دیبلۆماسییێن هەرێما کوردستانێ وەڵاتێ ئەرمینییا ئاسانتر لێ کەن، دێ بیتە رێکخۆشکەرەک بۆ پتر خزمەتا خەلکێ هەردوو وەڵاتان ژی.

ناڤهاتی گۆتژی: هەموو کاروبارێن ناڤ کۆنسلخانێ تەمامبووینە و جیگرێ وەزیرێ دەرڤەیێ ئەرمینیا ل گەل شانده‌كى و بالیۆزێ ئەرمینییا ل بەغدا ژی دێ ل ڤێڕێ ئامادەبن.

خانی نیوز، کاروان باعەدری