كوردێن ئێزدى ژ بریاره‌كا حكومه‌تا سوریا نه‌ رازینه‌

وەکیلێ میرێ ئێزدییان راگه‌هاند: بریارا وەزارەتا داد یا سووریا دژی مافێ پێکهاتەیانە و ئه‌و قه‌بوولناکەن.

وەکیلێ میرێ ئێزدییان بۆ کاروبارێن پەییوەندییان دیارکر، وەزارەتا داد یا سوورییا بۆ هەموو ئاینان یاساییەکا تایبەت دیارکرییە ب تنێ بۆ ئیزدییان هیچ یاساییەک نه‌ دانایە.

جەهووەر عەلی بەگ، بۆ “خانی نیوز” دیارکر، ئەو ل سەر هێلن  کو ئەڤێ زوڵمێ ژ ئالیێ حکومەتا سووری ڤە نەهیتە قەبوولکرن، چونکی ئێزدی ئاینەکی سەربەخۆنە و دڤێت رێز ل بیروباوەرێن وان بهێتە گرتن، و د یاسا و دەستووری دا ئەوان تایبەتمەندییا خوه‌ هەبیت.

وەکیلێ میرێ ئێزدییان ئاماژەدا، ئەو داخوازێ ژ نەتەوەیێن ئێکگرتی و رێکخراوێن مافێ مرۆڤی دکەن ئەڤێ ستەمێ قەبوولنەکەن.

دیار ژی کر، بریارە ئەڤرۆ میر و جڤاتا رۆحانی ژی بانگەوازییەکێ ئاراستەی جڤاکا نیڤدەولەتی کەن ل سەر ڤێ پرسێ.

خانی نیوز، کاروان باعەدری