مەسرور بارزانی ئەڤرۆ رۆژا شەمبى 2021/2/27 د گهلئۆسمان غانمی كۆم بوو و گهشهپێدان و هەماهەنگییا ئێمناهیێ د ناڤبهرا حکومەتا هەرێما کوردستانێ و حکومەتا فیدرال دا گۆتوبێژ كر، ههروهسا دانوستاندن ل دۆر پرسا هێرشا مووشكهیا سەر هەولێرێ كرن یا ژ ئەنجامێ هەماهەنگییا باش یا دناڤبهرا ههولێڕێ و بهغدا دا ئەنجامێن باش ب دەستڤهئیناین.
مهسروور بارزانى و غانمى دوپاتى ل گرنگییا بجهئینانا رێککەفتنا شنگال و دەرچوونا میلیشا و هێزێن چەکدارێن نهقانوونى ل دەڤەرێ كر.
سەرۆکێ حکومەتا ههرێما كوردستانێ سوپاسییا وەزیرێ ناڤخوهیا فیدرال كر بۆ بزاڤێن وان بۆ چارەکرنا ئاریشان، ئاماژە ژى ب بەردەوامییا سیاسەتا گوهۆرینا دیموگرافی و زێدهگاڤییا سەر وهلاتیێن کورد و داگیرکرنا زهڤییان ل کەرکووکێ و دهڤهرێن کوردستانی ژ دەرڤهى ئیدارەیا هەرێمێ کر و گۆت: ئەو رهوشا نهئاسایی ونهدەستووریی، د بەرژەوەندیا خەلکێ ئیراقێ دا نینە و پێدڤییه رێگری لێ بهێته گرتن.
دانوستاندنێن هەرێما کوردستانێ و حکومەتا فیدرال تایبەت ب بودجەیا ئیراقێ بۆ ساڵا 2021 و هەڵبژارتنێن بهێن یێن ئیراقێ، تەوەرهكێ دیێ گۆتوبێژان بوو.
