رێڤەبەرییا رێک و پرا ل پارێزگەها دهۆکێ دیارکر: رازیبوون ل سەر بریارا چێکرنا فلکا سێمێلێ یا ناسیار ب فلکا مرنێ ل سەر رێکا سەرەکی دهۆک- سێمێلێ هاتییەکرن.
خەدیجا محەمەد، رێڤەبەرا رێک و پرا ل پارێزگەها دهۆکێ بۆ خانی نیوز گۆت: بەرى نوكه بریارا چێکرنا پرۆژێ فلکا مرنێ ل سێمێلێ ژلایێ وەزیرێ ئاڤەدانکرنێ ڤە هاتییە ئیمزاکرن کو ئەو فلکە ببیتە ئەندرباس و کێشا وێ بهێتە چارەسەرکرن، خویارکر ژی: دیزایینەکا سەرەتایی بۆ هاتییە چێکرن، ئەو پێدڤی ب دیزایینەکا هۆیرترین و ئەگەر وان دیت ئۆڤەرپاس دێ گۆنجایتر و کێم مەزاختی تربیت رەنگە، ببیتە ئۆڤەرپاس.
خەدیجا محەمەد، دا زانین ژی: ل داویا وەرزێ هاڤینێ دێ دەست ب بجهئینانا وی پرۆژەی هێتەکرن و کۆژمێ چار ملیار و دوسەد ملیۆن دینار بۆ هاتینە مەزاختن.
سالانە ل وێ فلکێ چەندین روودانێن هاتن و چوونێ لێ دروست دبن و ب دههان وەلاتی ب ئەگهرێ روودانان گیانێ خوە ژ دەست ددهن و بریندار دبن، ژبهر هندێ ئەو فلکە ب فلکا مرنێ هاتیێە ناڤکرن.
