مەزنترین کۆربەندێ ژنان دێ دەست کارێن خوە کەت

ب ھەلکەفتا رۆژا جیھانی یا ژنان، سەرۆکاتییا زانکۆیا دھۆکێ، کولیژا زانستێن مرۆڤایەتی بۆ جارا ئێکێ ل سەر ئاستێ عیراقێ و کوردستانێ و ب پشکداریا ٢٩ وەلاتان دێ کۆربەندێ جیھانی یێ دەستپیێشخەری یا ژنان د وارێ زانستێ بێ سنۆر دا، لژێر ناڤێ زانست بۆ مرۆڤایەتی و بۆ دبلوماسیەتا زانستان ل ھۆلا کۆنفرانسان گێریت.
د. مزگین محەمەد، راگریێ کولیژا زانستێن مرۆڤایەتی ل زانکۆیا دھۆکێ بۆ خانی نیوز گۆت: وەک کولیژا زانستیێن مرۆڤایەتی ژڤانە ٨ و ٩ و  ١٠ ی ڤێ ھەیڤێ مەزنترین کۆربەندێ ژنان د زانستی دا ل ھۆلا کۆنفرانسان ب پشتەڤانییا سەرۆکاتییا زانکۆیا دھۆکێ ساز بكەن.
ناڤبری دیارکر ژی: ئەڤ کۆربەندە سالانە دھێتە گێران و بۆ ئەڤسالە ژی زانکۆیا دھۆکێ ھاتە ھەلبژارتن ژلایێ کۆربەندێ ژنان ڤە بۆ زانستی، کو سەرۆکا ڤی کۆربەندی د. (ئەمەل) ل وەلاتیێ مسرێ یە، کوربەندەکێ دوەلیە و ھەتا ١٣٠  ڤەکۆلینان دێ تێدا ھێنە پیێشکیێشکرن ژ (٢٨) وەلاتیێن جیھانیێ.
راگرێ کولیژا زانستێن مرۆڤایەتی  ئەو ژی ئاشکرا کر، کۆربەند ل 8ی ڤێ مه‌هێ دێ ل ھۆلا کۆنفرانسان دەستپێکەت ب شێوێ ئۆنلاین و بۆ ده‌مێ سێ رۆژان دێ بەردەوام بیت.

خانی نیوز، سالار محەمەد دۆسکی