ئێكه‌تییا ئافره‌تێن كوردستانێ په‌یامه‌ك به‌لاڤكر

ئێكه‌تییا ئافره‌تێن كوردستانێ ل دۆر هاتنا 8ى مارسێ په‌یامه‌ك به‌لاڤكر و راگه‌هاند: 8ی مارس، رۆژا جیهانیكرنا پرسا ئافره‌تانه‌ له سه‌رجه‌م كۆمه‌ڵگه‌هێن جودا جودا دا و ئه‌و خه‌بات و تێكۆشینا‌ كو چه‌ندین ساله‌ بزاڤا ئافره‌تان كاری بۆ دكه‌ن و خه‌باتكرنا وان  چه‌سپاندنا یه‌كسانیێ و دادپه‌روه‌ریێ ل هه‌ر دوو پێگه‌هێن خێزان و كۆمه‌ڵگه‌هێ.

 

ئه‌ڤ یه‌ك ژى ده‌قێ په‌یامێ یه‌:

8ی مارس، رۆژا جیهانیكرنا پرسا ئافره‌تانه‌ له سه‌رجه‌م كۆمه‌ڵگه‌هێن جودا جودا دا و ئه‌و خه‌بات و تێكۆشینا‌ كو چه‌ندین ساله‌ بزوتنا ئافره‌تان كاری بۆ دكه‌ن و خه‌باتكرنا وان  چه‌سپاندنا یه‌كسانیێ و دادپه‌روه‌ریێ ل هه‌ر دوو پێگه‌هێن خێزان وكۆمه‌ڵگه‌هێ.

كاركرنا رێكخراوان داكۆكیكارن ل سه‌ر مافێن ئافره‌تان ل جیهانێ ب گشتی و هه‌رێما كوردستانێ ب تایبه‌تی بۆ جه‌ختكرن و به‌ره‌ڤپێشبرنا خواست و داخوازیێن ئافره‌تان‌ بۆ  پشكداریكرنا كاراتر یا ئافره‌تان د بوارێن جودا جودا دا، ئه‌م‌ وه‌ك ئێكه‌تییا ئافره‌تێن كوردستانێ، دچوارچۆڤێ ستراتیژ و  به‌رنامه‌یێ كاركرنا مه‌ دا، ساڵانه‌ ب رێكا‌ خاندن و ڤه‌كۆلینا ره‌وشا هه‌لومه‌رجێن ئافره‌تان ل كوردستانێ، پلان و كارێن مه‌ به‌ره‌ڤ ئه‌وى ئاراسته‌یى دچن كو پێدڤیاتێن  ئافره‌تان پێ پڕ‌ببن.

‌نوكه‌ ئافره‌تێن كوردستانێ پێدڤییه‌ ئاسته‌نگێن به‌رامبه‌رى خواست و جورێ كاركرنا وان راكه‌ن و پشت به‌ستنێ ل سه‌ر هزرێن خوه‌ بكه‌ن و بشێن د هه‌موو كارێن خوه‌دا د پیشه‌نگبن.

دروشمێ ئێكه‌تییا ئافره‌تێن كوردستانێ ل رۆژا جیهانییا ئافره‌تاندا پێكهاتییه ژ‌ “خودانییا به‌رهه‌مى و بڕیار مافێ من ژى یه‌‌” مه‌ دڤێت ب رێكا ڤى دروشمى بێژین هێزا كارێن ئافره‌تان ببیته‌ چه‌قێ گهۆرینا بریارێ ل ‌ناڤ ئه‌و كارێن جودا جودا.‌

پشته‌ڤانییا به‌رده‌واما حكومه‌تا هه‌رێما كوردستانێ بۆ به‌ره‌ڤپێشچوونا مافێ ئافره‌تان و وه‌ك پره‌نسیپه‌كا چه‌سپایى یا مافێن مرۆڤى و دیموكراسییا كارێن جدى ب رێكا وان بگه‌هینه‌ ئه‌نجامه‌كى، جهێ سه‌رنج و دڵخۆشییێیه‌ بۆ ئافره‌تان و بوویه‌ هانده‌ر بۆ به‌رده‌وامبوونا خه‌باتا ئافره‌تێن كوردستانێ بۆ به‌ده‌ستڤه‌ئینانا خواست و ئامانجان. 

د ڤێ ڕۆژێ دا بیره‌وه‌رییا ئافرەتێن كوردپه‌روه‌ر و پشكدار د بزاڤا رزگارییا كوردستانێ دا ژ‌ بیر ناكه‌ین و رێز و سڵاڤێ بۆ گیانێ پاكێ شه‌هیدێن ئافره‌ت د بزاڤا نیشتمانی دا د هنێرین، ئازار و ‌سه‌رهاتیێن ئافره‌تێن ئێزدی برینێن وان ساخ نه‌بوون و به‌رده‌وامییا خزمه‌ت و پشته‌ڤانییا مه‌ بۆ وان كێمترین ئه‌ركه‌.

ئه‌ڤێ رۆژێ ل ‌سه‌رجه‌م رێكخراوێن ئافره‌تان و ژنێن كوردستانێ و سه‌رجه‌م چالاكڤان پیرۆز دكه‌ین و خه‌باتا وان به‌رز دنرخینین.

ل ‌سه‌رجه‌م ستاف و ئه‌ندامانێن ئێكه‌تییا ئافره‌تێن كوردستانێ پیرۆز دكه‌ین، سڵاڤان دهنێرین  بۆ ئه‌وان ئافره‌تێن یێن كو پاریێ ژیانێ بۆ خێزانا خوه‌  دابینكردكه‌ن، و پشت به‌ستنێ ب هێزو شیانێن خۆ دكه‌ن، سڵاڤان دهنێرین بۆ‌ گیانێ  ئه‌وان ئافره‌تان یێن بووینه‌‌ قوربانییا هزرا پیاوسالاری و نه‌ریتێن دژوارێن جڤاكى.

ئێكه‌تییا ئافره‌تێن كوردستان
8ی مارسی 2021