ل سەر ئاستێ ئیراقێ پارێزگه‌ها دهۆکێ یا سیێ یه د تۆماركرنا دەنگده‌ران دا و بەرپرسێ ئۆفیسا دهۆکێ دبێژیت، هه‌تا نها 70%ی ژ دەنگدەران پشكدارییا بایۆمەترى کریه.
خالد عەباس، بەرپرسێ ئۆفیسا دهۆک یا کۆمسیۆنا هەڵبژارتنێن ئیراقێ تایبه‌ت بۆ خانى نیوز ڕاگەهاند: هه‌تا نها ل سنوورێ پارێزگه‌ها دهۆکێ ڕێژەیا پشكدارییا دەنگدەران گەهشتییە 70٪ و ل سەر ئاستێ ئیراقێ ب پلا سێ یێ دهێت، ئەڤه ژى ڕێژەیەکا باشە و ب تنێ دوو پارێزگه‌هـ ل پێش دهۆكێ بۆ تۆماركرنا ده‌نگده‌ران دهێن.
به‌رپرسێ ئۆفیسێ دیاركرییه ژى كو: ب ڕێكا 41 بنگەهان و 41 تیمێن گەڕۆك ڕۆژانە کارمەندێن کۆمیسیۆنێ مژوولى کارکرنێ نه بۆ هندێ زۆرترین دەنگدەر بهێنه تۆماركرن، چونکى وان دڤێت ڤێ رێژێ بلند بكه‌ن و بگه‌هیننه د سه‌ر 80%دا.
خالد عەباس دبێژیت: د پرۆسێسا وەرگرتنا کارتێن دەنگدانێ ژى دا پارێزگه‌ها دهۆکێ د ئاسته‌كێ باشدایە و 92٪ێ ژ دەنگدەران کارتێن خوه وەرگرتینه، پڕۆسەیا نووكرنا تۆمارا دەنگدەران ژى هه‌تا داوییا ڤێ هه‌یڤێ دێ یا به‌رده‌وام بیت، سه‌باره‌ت ئاواره‌یان ژى گۆت: ل دووڤ ئامارێن سالا 2018ێ كو 200 هزار ئاواره ل پارێزگه‌ها دهۆكێ نه، ژ وان ژى 70 هزاران خوه تۆمار كرینه، پترییا ده‌نگده‌رێن ئاواره‌یان ژى دێ ل دهۆكێ ده‌نگێ خوه ده‌ن.
