بریکارێ میرێ ئێزدییان: ھندەک کەس ب پلان کار بۆ تێکدانا جڤاکێ مە دکەن

بریکارێ میرێ ئێزدییێن جیھانێ بۆ خانی نیوز گۆت: ھندەک کەس زارۆکێن داعشییان دئینن و دخوازن تێکەلی جڤاکا ئێزدییان بکەن.
ھەرمان میرزا بەگ، ل دۆر ڤی پرسێ گۆت: ئەڤ پرسە ب چ رەنگەکی ناھیتە قەبوول کرن، ئەڤ زارۆک نە ئێزدینە و تێکەلێ جڤاکێ وان نابن.
ناڤبری ئاماژە دا، ئەڤ کارە ب پلان دھێتە کرن و دخوازن جڤاکا ئیزیدی تێکبدەن، ئەڤە جھێ نە رازیبوونا وانە و قەبوول ناکەن.
گۆت ژی: کچێن ئێزدییان بۆ وان پیرۆزن و ھەردەم رێزەکا مەزن ل وان ھاتییە گرتن، بەلێ ئەو زارۆکێن کو ژ داعشێ ھندەک کەسان ئیناینە ھەولێر و سلێمانیێ کارەکێ نە رەواییە.

خانی نیوز، کاروان باعەدری