<h3 style="text-align: justify;"><span style="font-size: 18pt;"><strong>رێڤهبهرێ پۆلیسێن سۆران دهستهسهركرنا باندهكى راگههاند كو كارێ وان چێكرنا پارهیێ سهختهبوویه ل ههرێما كوردستانێ و پاره ب رێكا ئافرهتهكێ ژ دهرڤهى وهلاتى بۆ وان هاتینه.</strong></span></h3> <h3 style="text-align: justify;"><span style="font-size: 18pt;"><strong>موقهدهم شهمال دێوارى، پهیڤدارێ پۆلیسێن سوران، د كۆنگرهكێ رۆژنامهڤانى دا راگههاند، بهشێ نههێلانا تاوانان ل پۆلیسێن سوران باندهكێ چێكرنا پارهی دهستهسهركر، كو ژ 4 كهسان پێكهاتبوون.</strong></span></h3> <h3 style="text-align: justify;"><span style="font-size: 18pt;">ب گۆتنا شهمال دێوارى رۆژا 10-3-2021 كهسهكێ ئاكنجییێ باژێرێ سلێمانیێ ههول دایه، ل دهمێ كرینا كهلوپهلان پارهیێ سهخته بكاربینت، لێ ههر د گاڤێ دا رێڤهبهرێ پۆلیسێن سۆران ب مهبهستا دیڤچوونان ل سهر وى كهیسى و </span>بۆ ئاشكراكرنا وان تاوانباران تیمهك ژ بهشێن نههێلان تاوانێن پۆلیسى پێكئینا بوو. پشتى ڤهكۆلینان تیمێن نههێلانا تاوانێن پۆلیسێ سۆران تاوانبارێ سهرهكى دهسنیشان بكهن كو ئاكنجیێ باژێرێ ههولێرێ یه، ب رێكا وى تاوان بارى سێ كهسێن دى ژى هاتنه دهستهسهركرن.</h3> <h3 style="text-align: justify;"><span style="font-size: 18pt;">سهبارهت ب وى كوژمێ پارهیێ سهخته كو دهست ب سهردا هاتبوو گرتن دگهل وى كوژمێ وى باندێ چێكرین، شهمال دێوارى گۆت، ئهو پارهیێ كو ب رێكا ئافرهتهكێ هاتییه ناڤ ههرێما كوردستانێ نێزیكى 20 هزار دۆلاربوون، بهلێ ب تنێ كوژمهكێ پارهى ل سنوری سۆران هاتییه چێكرن، ئهوێن دى ل جهێن دى چێكرینه.</span></h3> <h3 style="text-align: justify;"></h3>
