مللەت عسمەت، سکرتێرێ ڕۆژنامەڤانیێ پاڕێزگارێ دهۆکێ تایبەت بۆ خانی نیوز راگەهاند، ئەڤرۆ رۆژا دووشەمبی رێکەفتی 15-3-2021 د.عەلی تەتەر پارێزگارێ دهۆکێ ب بەرهەڤبوونا رێڤەبەرێ گشتی یێ پەروەردا پارێزگەها دهۆکێ پێشوازیی ل وەبەرهێنەر بژار عەزیز حەسەن کر کو بریارە ل سەر ئەرکی خوه قۆتابخانەکا 36 پۆلی ئاڤا بکەت.
مللەت عسمەت دیارکر ژی، پاڕێزگارێ دهۆکێ خوشحالی و سۆپاسیا خوه دەربری بۆ وی وەبەرهێنەری کو هزرا درۆستکرنا قۆتابخانەکا 36 پۆلی کریه، و گۆتژی دروستکرنا نەخۆشخانە و قۆتابخانە و رێک و پران خزمەتەکا مەزنە بو جڤاکی و هەر دیسان خێرەکا مەزنە و هیڤیخوازبوو نموونەیێن وەکی وان زۆربن.
ناڤبری ل داویێ ژی گۆت، وەبەرهێنەر بژار عەزیز سۆپاسییا پێشوازییا پارێزگارێ دهۆکێ کر و دیارکر ئەوا وی دشیاندا بیت بۆ خزمەتکرنا وەلاتی بێ دوودلی دێ ئەنجام دەت.
