عەباس سەعدى ئەندامێ بۆردێ نهرازى یێ پێکهاتان بەیاننامەک خواند و تێدا گۆتییه: ل روانگەها گرنگییا پێگەهێ وێ دادگهها ل ئیراقێ هەى، ب تایبەتى ب هەندوەرگرتنا بڕیارێن وێ دادگههێ، پێکهاتان کۆمەكا داخوازیان ههنه ژ وان ژى:
١ـ قانوونا دادگهها فیدرالى د سهقایهكێ ئارامدا کار ل سەر بهێته كرن.
٢ـ ئهو قانوونه نهبیته هۆکارهكێ سیاسی و ئاستهنگ بۆ پرۆژهیێن دیتر.
٣ـ پێدڤییە ئهو قانوونه یا دوور بیت ژ ململانا نەتەوەیی و مەزهەبی و ئایینى و پێكڤهژیانێ و وێ دارشتنێ ب خوهڤه بگریت.
ل دووڤ دا ئەو داخوازیێن پێکهاتێن نەتەوەیی و ئاینی ئاراستەى دەستەیا سەربەخۆیا مافێن مرۆڤى ل هەرێما کوردستانێ هاتنه كرن بۆ هندێ ب رێیا حکومەتا هەرێما کوردستانێ ئاراستەى حکومەتا ناڤەندى و جڤاتا نوونهرێن ئیراقێ بكهن، بۆ هندێ داكو پێكڤهژیان و کارکرن ل ئیراقێ یا بەردەوام بیت.
