ئەڤرۆ دەستەیا سەرۆکاتییا پەرلەمانێ ئیراقێ و سەرۆکێن فراکسیۆنان دێ دووماھیک کۆمبوونا خوە ل سەر پرسا دەربازکرنا پرۆژەیێ یاسایا دادگەھا بلند یا فیدرالی ئەنجامدەن کۆ سێ ماددە ژ پرۆژەی مابوون کۆ دەنگ ل سەر بھێتە دان و ببیتە یاسا.
ل دۆر روونشتنا ئەڤرۆ یا پەرلەمانێ ئیراقێ و دووماھیک پێشھاتێن ئالیێن سیاسی د.ڤیان سەبری سەرۆکا فراکسیۆنا پارتی ل پەرلەمانێ ئیراقێ بۆ خانی نیوز دیارکر: ژ ئەنجامێ دانووستاندنێن ئەڤرۆ، ژ ئەوان سێ مادەیێن مایی لێکتێگەھشتن ل سەر مادەیێن دوو و سێ ھاتییەکرن، ب تنێ ماددەیێ ١٢ مایە.
ڤیان سەبری گۆت ژی: ماددەیێ ١٢ێ بۆ کوردان ماددەیێ ھەرە گرنگە، ل سەر شێواز و چاوانییا دەنگدانێ ل سەر ڤی ماددەی ل ناڤ دادگەھێ ناکۆکین، دانوستاندن ل سەر ڤی بابەتی بەردەوامن و ھەتا نۆکە نەگەھشتینە رێکەفتنێ.
پرۆژەیێ دادگەھا فیدرالی ژ ٢٤ ماددەیان پێکدھێت و ٢١ ماددە ھاتینە پەسەندکرن، ب تنێ مادەیێ و ٢ و ٣ و ١٢ ماینە و نەھاتینە پەسەندکرن و ئالیێن سیاسی ل سەر ناکۆکن، ب گۆتنا ڤیان سەبری رێکەفتن ل سەر ماددەیێن ٢ و ٣ێ ژی ھاتییەکرن، ب تنێ مادێ ١٢ێ مایە.
