به‌رپرسێ لقا 3 یا پارتى: ئالیێن چه‌كدار ل پشت خوه‌نیشاندانێن كه‌ركوكێ نه

ئه‌ڤرۆ چه‌ند ئالیگرێن حه‌شدا شه‌عبى به‌رامبه‌ر باره‌گایێ سه‌ركردایه‌تیا پارتى كۆمڤه‌بووینه‌ و مانگرتن ده‌ستپێكریه‌ بۆ هندێ ئه‌و باره‌گایێ پێشتر باره‌گایێ سه‌ركردایه‌تییا پارتى بوو ل كه‌ركووكێ، نه‌هێته‌ راده‌ستكرن.

ل دور ئه‌ڤێ چه‌ندێ د. محه‌مه‌د خورشید به‌رپرسێ لقا سێ یا پارتى ل كه‌ركوكێ تایبه‌ت بۆ خانى نیوز گوت: د نوكه‌ دا گۆتوبێژ دهێته‌ كرن بۆ جاره‌كادى‌ ڤه‌گه‌ریانا پارتى بۆ كه‌ركوكێ ئه‌ڤ خرڤه‌بوونه‌ بۆ هندێ یه‌ گڤاشتنێ ل سه‌ر حكومه‌تا ئیراقێ بكه‌ن داكو ئه‌ڤ كۆتوبێژه‌ سه‌رنه‌گرن.

گۆت ژى، ب راستى پێشتر بزاڤێ، وه‌سا كارتێكرن ل سه‌ر رێكه‌فتنا شنگالێ هه‌بوو و ئه‌م پێشبینی دكه‌ین ئه‌ڤ كارتێكرنه‌ ل سه‌ر كه‌ركوكێ ژى هه‌بن.

د. محه‌مه‌د خورشید گۆت ژى: ره‌وشا كه‌ركووكێ گه‌له‌كا هه‌ستیاره‌ و پێدڤى یه‌ سه‌ره‌ده‌رییه‌كا جدى تر دگه‌ل بهێته‌ كرن

به‌رپرسێ لقا 3 یا پارتى ل دوماهییا ئاخڤتنێن خوه‌ بۆ خانى نیوز گۆت: ئه‌م كار دكه‌ین جاره‌كا دى ئالایێ كوردستانێ بكه‌ینه‌ د ده‌ستێ په‌یكه‌رێ پێشمه‌رگه‌ی دا ل كه‌ركووكێ كو نوكه‌ ئالایێ ئیراقێ د ده‌ست دایه‌.