ئهڤرۆ 33 سال ب سهر كیمیابارانا باژارێ ههلهبچه دا یا ب دهستێ رژێما بهعس و شههیدبوونا زێدهتری 5 هزار وهلاتیێن بێگونههـ و برینداربوونا ب هزارێن دی و وێرانبوونا باژاری و دهربهدهربوونا خهلكێ وێ دا دهربازدبن.
د ڤێ بیرهوهریێ دا دوباره دوپاتییێ ل زێدهتر گرنگیدان ب ههلهبجه و خهلكێ وێ دكهین، خزمهتا برینداران و كهس و كارێن قوربانییان و پێنگاڤێن پتر باڤێژین كو ژ ههژی باژارێ ههلهبجه و ئاكنجیێن وێ یێن سهربلندبن.
نێچیرڤان بارزانی د دهقێ پهیاما خوه دا داخواز ژ حكومهتا ئیراقا فیدرال كر، وهك بهرپرسیارهتییا قانوونی و ئهخلاقی، ئهركێ خوه بجهبینیت ژ بۆ قهرهبووكرنا ئاكنجیێن وێ و ژینگهها وێرانكری و ژههراویكری یا پارێزگهها ههلهبجه پێنگاڤێ، ب كریار باڤێژیت.
د بیرهوهرییا كارهساتا ههلهبجه دا داخواز ژ كۆمهلگهها ناڤدهولهتی دكهین كریارێن جددی ژ بۆ قهدهغهكرنا بهرههمئینان و بكارئینانا ههموو جۆرێن چهكێن كۆمهلكوژ و ژناڤبرنا چهكێ تهكنۆلۆژیا یێن مرنێ، دڤێت ئهڤه خهما ههموو جیهانێ بین ژ بۆ پاراستنا ژیان و ژینگههـ و شارستانییێ.
شههیدێن ههلهبجه و ههموو شههیدێنگهلێ مه ل بیرن و د وژدانێ كوردستانییان دا زیندی نه.
