ئهڤرۆ سالڤهگهرا 30 یا سهرهلدانا کەرکوکێ یه كو ل ئادارا سالا 1991دا دەستههلاتا بەعس حێبهتى کر، ژبهركو دهستههلاتێ پێشبینی نەکربوو پشتى وێ هەموو پرۆسا تهعریبكرنێ یا ل بهرانبهر كوردان ل وێ پارێزگههێ دا هاتییه كرن و هێزهكا سهربازى یا مهزن لێ هاتییه جێگیركرن، كهركووك سهرهلدانێ بكهت، بهریا دهستپێكرنا سهرهلدانێ، دەستههلاتا سەدام حوسێنى ههوهك بۆ دهستهسهركرنا خەلکێ کورد ل کەرکوکێ دەسپێکر و تێدا ب سەدان کورد ل پێش چاڤێن خەلکى گوللـەباران کرن و ب سەدانێن دی بێسەروشوون کرن.
دەستههلاتا بەعس ب هەموو چەکان هێرش کر و رووبرووبووى هێرشا پێشمەرگەهـ و سهرهلدانا خەلکێ سڤیلێ کەرکووکێ بوون، د رۆژا ئێكێ یا هێرشێ دا 500 پێشمەرگەهـ، ژن و زهلام و زارۆك بوونە قوربانی.
33 گەنجێن کورد تاخێ شۆریجە ل دهف دیوارهكى ژ ئالیێ دهستههلاتا بەعس گوللـەباران کرن و تهرمێن وان بۆ جههكێ نهدیار ڤهگوهاستن، ههتا نها تەرمێن وان گەنجان نههاتینه دیتن.
