کارگێریا نەخۆشخانا ڤین یا تایبەت بۆ خانی نیوز راگەهاند، ل رۆژا 20/3/2021 و هەلکرنا ئاگرێ نەورۆزێ ، هندەک تەقە هاتبوونه کرن و ب ڤێ سەدەمێ ئایجان عەبدولمەلک یا 15 سالی و پەنابەرا رۆژئاڤایێ کوردستانێ ب تەقەیێن خۆشیێ یێن هەلکرنا ئاگرێ نەورۆزێ ل دهۆکێ بریندار ببوو ، ئەڤرۆ گیانێ خوە ژدەست دا.
کارگێریا نەخۆشخانا ڤین دیاركر، پشتی چار رۆژێن چاڤدێریێ ل نەخۆشخانێ ئەڤرۆ بەری نیڤرۆ ئایجانێ گیانێ خۆ ژدەست دا و هاتە رەوانەکرن بۆ نەخۆشخانا پزیشکی یا داد ل دهۆکێ.
ئایجان عەبدولمەلک ، خەلکا باژێرێ دێرکێ یه ل رۆژئاڤایێ کوردستانێ و ل کەمپا دومیز یا ئاکنجی بوو، د رۆژا 20/3 و هەلکرنا ئاگرێ نەورۆێ دا ژ نیشکەکێڤە گوللەیەک ب سەرێ وێ کەتبوو و ئەڤرۆ ل نەخۆشخانا ڤین یا تایبەت گیانێ خۆ ژدەست دا.
