د نەورۆزێ و سەرسالا نوویا کوردی دا سەرۆکێ هەرێما کوردستانێ هەموو ئالیێن سیاسیێن هەرێما کوردستانێ بۆ پشتی جەژنێ داخوازكرینه سەرۆکایەتییا هەریما کوردستانێ، ئەندامەکێ سەرکردایەتییا پارتی ژی خویاکر، مه‌ره‌م ژ ڤێ داخوازنامێ دروستکرنا ئێکگۆتاری و رێکخستنا ناڤمالییا کوردییە.
مەحموود ئێزیدی، بۆ خانی نیوز گۆت: پەیاما سەرۆکێ هەرێما کوردستانێ پەیامەکا گرنگە کو کورد ئێکگرتی و ئێکهەلویست بن، ژبه‌ركو نها لایەنێن کوردی پێدڤی ب ئێکگۆتارییەکا هەڤپشكن، دا کو پتر بشێن سەنگا خوه ل دەڤەرێ زێده بکەن.
دیار ژی کر، سەرۆکێ هەرێما کوردستانێ ئەو رێبازا سەرۆک بارزانی گرتییە بەر بۆ ئێکرێزییا ئالیێن سیاسیی، ژبه‌ركو هەموو دەمان ل گەل وێ یەکێ بووییە کو پێدڤییە ئاشتییا سیاسیی هەبیت و ژبەر هندێ ژی سەرۆکێ هەرێمێ رۆلەکی گرنگ دگێریت.
ئاماژە دا، دڤێت هەموو ئالیێن سیاسیی بەرپرسیارییەتییا نشتیمانی هەلگرن، هەموو کار بۆ دروستکرنا زەمینەیەکا ل بار بکەن بۆ کۆمبوون و گەهشتن ب نێرینەکا هەڤپشكا سیاسیی.
