چەند رۆژەکن شەر و پێکدادانێن پەکەکێ و سوپایێ تورکیا ل چیایێ بەرانش و کالگهور ل هنداڤی بێگوڤا ل سنورێ ناحیا باتیفا یا سەر ب قەزا زاخۆ بەردەوامە، بەری دەمەکێ کێم ژی جاردن شەر دناڤبەرا هەردوو ئالیان دەستپێکریەڤە و ڤێ یەکێ ژی ترس و دوو دلی ل دەڤ خەلکێ وان گوندان پەیداکریە.
ل گوندێن گرێ بیێ یێ دناڤبەرا بێگوڤا وباتیفا دا هەژمارەکا چەکدارێن پەکەکێ هێرشی خالەکا لەشکەری ل کوپیتکا چیایێ بەرانش و کالگهور کر .
ل گور زانیاریێن ب دەست خانی نیوز کەفتین و بەری دەمەکێ پەکەکێ هێرشی رەبیەکا تورکیا کر ل ل چیایێ بەرانش یێ کو دکەڤیتە هنداڤی بێگوڤا و گوندێ گرێ بیێ شەر و پێکدان شەڤێدی وەرە بەردەوامە ترسەک مەزن بۆ گوندیان ژی دروستبوویە ،ژبەرکو هەتا نوکە ژی فرۆکە بەردەوام هاتن و چوونێ دکەن چیایی بوردۆمان دکەن ، زانیاریێن ل بەر دەستێ خانی نیوز هەژمارەکا چەکدارێن پەکەکێ هاتینە بریندار کرن وچارەنڤیسا وان بریندارا دیارنینە و فروکێن بێ فرۆکڤان بەردەوام ل ئاسمانا دەردورێن خالێن لەشکەرێ تورکیا هاتن و چوونێ دکەن بۆ وێ چەندێ لڤینێن پەکەکێ بێنە کونترۆلکرن ،
خانی نیو زپەیوەندی ب جهێن سەبازی کریە لێ هیچ زانیاری نەدانە دیارکرن بتنێ گوتیە راستە شەر و پێکدادان دناڤبەرا چەکدارێن پەکەکێ و لەشکەرێ تورکیادا ڕویدایە ل گوندێن بانکێ و گرێ بیێ سنورێ باتیفا .
خانی نیوز، نزار مەجید
