پشتی د چار چۆڤێ پرۆژهیێ یاسایا چاکسازیێن حکومەتا ھەرێمێ دا مووچێ (منحە) یێ زێدەتری پێنچ ھزار زیندانیێن سیاسی ھاتییە برین، وهسا بریارە جارەکا دی ئەو مووچە بۆ وان زیندانیێن سیاسی بھێتە دان یێن کۆ چ مووچە نینە.
کامل زێوەیی بەرپرسێ ناڤەندا دھۆک یا کۆمکارا زیندانیێن سیاسی بۆ خانی نیوز دیارکر، نھا ب رێکا لژنەیەکا تایبەت ب نوونەراتییا ئەندامێن وەزارەتا شەھید و ئەنفالکریان و ئەنجوومەنی وەزیران کار ل سەر دووسەیێن مووچێ (منحا) زیندانیێن سیاسی دھێتە کرن، یێن کو د چار چووڤێ یاسایا چاکسازیێ دا مووچهیێ وان ھاتییە راگرتن، چونکە ل دووڤ یاسایێ پشتی 10 سالان مینحە ب دووماھیک دھێت، لێ ئەو زیندانیێن بێ مووچە بریار لێ ناگریت.
ناڤبری دیارکر ژی: ل دووڤ ئەنجامێن وێ دووڤچوونا دھێتەکرن مهلەفێ زێدەتری 900 زیندانیێن سیاسی پشتراستبوویە و ھاتییە ئێکلایی کرن، بریارە ئەو مووچهیێ وان بھێتە مەزاختن، کو بەشەک ژ وان زیندانییان ل پارێزگەھا دھۆکێ نە.
