سهرۆك مهسعود بارزانی د پهیامهكێ ژ بۆ وهغهرا دووماهیێ یا رهمزی شهعبان ئهندامێ جڤاتا سهركردایهتییا پارتی راگههاند: رهمزی شهعبان تهمهنێ خوه بۆ خهبات و كوردایهتی و خزمهتكرنێ ل رێزێن پارتییا دیموكراتا كوردستانێ تهرخان كر و د ههموو قۆناغان دا كادر و پێشمهركهیهكێ دلسۆز و ب وهفایێ رێبازا بارزانی و نشتیمان پهروهریێ بوو و ههردهم ئهرك و كارێن خوه ب گیانهكێ كوردانه و ماندوو نهناسانه و ب باشترین شێوه ئهنجامدایه.
سهرۆك بارزانی گۆتییه ژی، رهمزی شهعبان بۆ وی دۆستهكێ نزیك و برا و ههڤال و ههڤسهنگهرهكێ ئهمین و خۆشتڤی بوویه، ئهو د قۆناغێن جودایێن شۆرهشێ و شاخ و شار و ئاوارهی و كاروبارێن حزبایهتی ژ بۆ رێبازهكێ پیرۆز و بێی دابران و ب بیروباوهرهكێ ب هێز ب رێبازا خوه بهردهوام بوویه و د وێ رێكێ دا ژی ماندیبوونهكا زێده دیتییه، وهغهرا دووماهییا رهمزی شهعبان و ژ دهستدانا ئهوی سهركردهیێ ماندوونهناس بۆ ههموو ئالییان زیانهكا مهزنه.
ل دووماهیێ سهرۆك بارزانی گۆتییه، ئهو سهرهخۆشیێ ل خوه و مالباتا تێكۆشه رهمزی شهعبان و سهركردایهتی و كادر و ئهندام و لایهنگرێن پارتی و ههڤال و ههڤسهنگهرێن خودێ ژێرازی رهمزی شهعبان و ههموو شرهشگێر و ئازادیخوازێن كوردستانێ دكهت. ژ خودایێ مهزن دخوازیت خودێ ژێرازی رهمزی شهعبان ب بههشتا بهرین شاد بكهت و ههدار و ئارامیێ بدهته ههموو لایهكی.
