د. ڤیان سلێمان: ئهو پهرلهمانتارێ ناڤێ ئافرهتێ ب مێینهى ئینایى، دڤێت ههموو رێكارێن یاسایى بهرامبهرى وى بهێنه وهرگرتن
دهستهیهك ژ ژنێن رێكخراوا و لایهنێن سیاسیێن كوردستانێ، سهرهدانا پهرلهمانێ كوردستانێ كر و نهرازیبوونا خوه بهرامبهرى ب كارئینانا پهیڤا مێینه وهكو سڤككرن ب ئافرهتێ دهربرییه.
لهنجه دزهیى، سهرۆكا لژنا كاروبارێن ئافرهتان ل پهرلهمانێ كوردستانێ، ئهڤرۆ ئێكشهمبى، 4-4-2021ێ، د كۆنگرهكێ رۆژنامهڤانى دا راگههاند، شاندهكێ پارت و لایهنێن سیاسیێن كوردستانێ بهرامبهرى وى ناڤێ د روونشتنا پهرلهمانێ كوردستانێ دا ب كار هاتى، كو پهیڤا مێیینه بوو، یاداشتهك بۆ لیژنا داكۆكیێ ل مافێن ئافرهتێ ل پهرلهمانێ كوردستانێ ئینایه و ژلایێ سهرۆك و جێگر و سكرتێرێ پهرلهمانێ كوردستانێ پێشوازى لێ هاته كرن.
بهحسێ هندێ ژى كر، كو دڤێت ئافرهتێن كوردستانێ ب ههموو چین و تهخێن دی یێن كوردستانێ، ههموویان ل ژێر سیبهرا یاسایێ دا رێزگرتن لێ بهێته كرن و ههموو تاكهكێ كوردستانێ بێى جوداهى قوربانى داینه.
د. ڤیان سلێمان، ئەنداما بۆردێ بەرگریکاریا ژنان ل کوردستانێ گۆت: دڤێت ئهو ئهندامێن پهرلهمانى كو د روونشتنا پهرلهمانێ كوردستانێ دا ناڤێ ئافرهتان ب مێینه ئینای، ههموو رێكارێن یاسایى بهرامبهر بهێنه وهرگرتن و حكومهتا ههرێما كوردستانێ و سهرجهم دهزگههێن دى ژى كاربكهن بۆ هندێ چ كهس و لایهنهك سڤكاتییێ ب ئافرهتێن كوردستانێ نهكهن و ب چاڤێ نزم و پهیڤێن نه ژ ههژى هێرشێ بكهنه سهر.
