ساخله‌مییا به‌رده‌ره‌ش ده‌نگۆیێ توشبوونا قۆتابیێن په‌یمانگه‌هێ ب كۆرۆنایێ ره‌ت كر

پشتی قۆتابیێن په‌یمانگه‌ها به‌رده‌ره‌ش داخوازا پاشخستنا ئه‌زموونان كری ب گۆمانا هه‌بوونا تووشبوویێن ڤایرۆسێ كۆرۆنایێ دناڤا په‌یمانگه‌هێ دا، ساخله‌مییا به‌رده‌ره‌ش ئه‌و ده‌نگۆیه‌ ره‌تكر.

نه‌شوان به‌رزنجی، به‌رپرسێ راگه‌هاندنا ساخله‌مییا به‌رده‌ره‌ش بۆ خانی نیوز گۆت: پشتی ئه‌و ژلایێ قوتابییان ڤه‌ هاتینه‌ ئاگه‌هداركرن كۆ گومانا هه‌بوونا تووشبویێن كۆرۆنایێ هه‌یه‌، تیما وان راسته‌وخۆ سه‌ره‌دانا هه‌ردو پشكێن سپێده‌هییان و ئێڤاران و پشكێن ناڤخوه‌یی یێن په‌یمانگه‌هێ كر‌ و سه‌مپلێن وان قوتابییان وه‌رگرتن‌ یێن گۆمانا تووشبوونا كۆرۆنایێ ل سه‌ر هه‌ی.

دیار ژی كر، هه‌ژمارا وان سه‌مپلێن هاتینه‌ وه‌رگرتن 74‌ بوون و خوشبه‌ختانه‌ ئه‌نجامێ وان هه‌مییان نێگه‌تیڤ ده‌ركه‌تییه‌، ئانكۆ كه‌س ژ وان هه‌لگرێ ڤایرۆسێ كۆرۆنایێ نه‌بوو.