ئه‌مریكا: دێ بزاڤان كه‌ین ب ڤاكسینێ فایزه‌ر هاریكاریا هه‌موو وه‌لاتان بكه‌ین

وه‌زیرێ ده‌رڤه‌ یێ ئه‌مریكا راگه‌هاند؛ ل ده‌مه‌كێ نێزیك وه‌لاتێ وی دێ هاریكاریێن ناڤده‌وله‌تى ژ بۆ بكارئینانا ڤاكسینێ كۆرۆنایێ زێده‌كه‌ت.

ئه‌نتۆنى بلینكن، وه‌زیرێ ده‌رڤه‌ یێ ئه‌مریكا راگه‌هاند؛ نها كارێ پێشینه‌ یێ ئیدارا جۆ بایدنى، سه‌رۆكێ ئه‌مریكا رووبرووبوونا كۆرۆنایێ یه‌ ل ناڤخۆیا وه‌لاتى و سۆز دایه‌ گه‌لێ خوه‌ تا 19ى نیسانا ئه‌ڤساله‌ 90% یا وه‌لاتی یێن ئه‌مریكا بۆ وه‌رگرتنا ڤاكسینى بهێنه‌ تۆماركرن.

گۆت ژى: ئه‌و پێداچوونێ بۆ وان بژاردان دكه‌ن كۆ رێ ب وان دده‌ن ل داهاتى دا هه‌ڤبه‌شییێ دگه‌ل وه‌لاتێن دى بكه‌ن بۆ هاریكارییا وان و داویهاتن ب ڤایرۆسێ كۆرۆنایێ. و نها هنده‌ك وه‌لاتێن جیهانێ بێ هیڤیبوونه‌ ژ زوو گه‌هشتنا ڤاكسینی، لێ ئه‌و دێ ب زووترین ده‌م پێنگاڤێن جددى هاڤێژن.

مه‌ها بوورى ئه‌مریكا ده‌ستپێشخه‌رییه‌كا هه‌ڤبه‌ش دگه‌ل هندستان و ژاپۆنێ و ئسترالیا ئیمزاكر ب مه‌به‌ستا به‌رهه‌مئینانا زێده‌تر ژ ملیاره‌كا ڤاكسینێن كۆرۆنایێ تا سالا 2022ێ.