كارگه‌ها ڤاڤارتنا گلێشی ل كۆمه‌لگه‌ها قه‌دشێ ل سنوورێ ده‌ڤه‌رداریا ئامێدیێ ل ده‌مه‌كێ نێزیك دێ كه‌ڤیته كاری.
رێڤینک عادل سەروکێ باژێرڤانیا قەدش بۆ خانی نیوز راگەهاند؛ پشتی چەندین جاران خەلکێ دەڤەرێ داخوازا دانانا کارگەها ڤاڤارتنا گلێشی کری و ب رەزامەندیا حکومەتێ بۆ دەما سێ سالانە کار لسەر ئاڤاکرنا کارگەهێ دهێتە کرن و تا نها نێزیكی 80% یا پرۆژەی تەمام بوویە.
رێڤینک عادل دیار ژی كر، هەموو پێدڤی و ئامیرەیێن کارگەهێ تەمام بووینە و د ئامادەنە و بتنێ دانانا وان مایە ئەو ژی ژ ئەگەرێ ره‌وشا نها یا کۆرونایێ گیرۆبوویە وبڕیارە د دەمەکێ نێزیک دا پرۆژە بکەڤیتە کاری و ب ڤەکرنا ئەڤێ کارگەهێ ژینگەها ده‌ڤەرێ دێ هێتە پاقژکرن ژ راکرن وسۆتنا گلێشی .
پرۆژێ ڤاڤارتنا گلێشی چەندین دەرفەتێن کاری بۆ خەلکێ دەڤەرا ئامێدیێ پەیداکەت و ئەڤ پرۆژە ژ ئالیێ کۆمپانیا هێز ل لسەر رووبەرێ 90 دۆنه‌مێن ئەردی دهێتە بجهئینان وبڕیارە گلێشێ سنورێ 13 باژێرڤانیان بهێتە راکرن وڤاڤارتن .
هەیوار ستار، خانی نیوز
