لێنانا مریشكێن خومالى ل خوارنگه‌هێن دهۆكێ دێ بیته‌ بریار

سه‌رۆكێ لژنا چاندنێ ل جڤاتا پارێزگه‌هێ ئاشكراكر كو سێ پێشنیار به‌رهه‌ڤكرینه‌ بۆ زێده‌كرنا به‌رهه‌مێ ناڤخوه‌ ل بازارى و تایبه‌ت په‌له‌وه‌ران و هه‌كه‌ پشته‌ڤانى ل ئه‌وان پشنیاران بهێـته‌كرن دێ به‌رهه‌مێ ناڤخوه‌ زێده‌بیت و د به‌رژوه‌ندا هه‌ژاران ژى دایه‌.
سه‌باح بابیرى، سه‌رۆكێ لژنا چاندنێ، ل جڤاتا پارێزگه‌ها دهۆكێ بۆ خانى نیۆز گۆت: وان سێ پشنییار بۆ كۆمبوونه‌كا به‌رفره‌هـ ل گه‌ل كۆمه‌لا پرۆژه‌یێن په‌له‌وه‌ران و جێگرێ پارێزگه‌رێ دهۆكێ و فه‌رمانگه‌هێن په‌یوه‌ندار به‌رهه‌ڤكرینه‌ كو ژ وان پشنیاران، ل سه‌ر خوارنگه‌هان و نه‌خۆشخانا و زیندانان بهێتـه‌ سه‌پاندن مریشكێن كوردى بهێنه‌ لێنان، ئه‌ڤه‌ دێ به‌رهه‌مه‌كێ مه‌زن ژ مریشكا خۆمالى رۆژانه‌ مه‌زێخن. 

گۆت ژی، پشنیارا دووێ بهایێ مریشكێ دێ هێته‌ ده‌ست نیشانكرن و نابیت زێده‌تر بهێته‌ بلندكرن، پشنیارا سێیێ كه‌سه‌كێ ئه‌كادیمى پرۆژه‌یه‌ك هه‌یه‌ بۆ دروستكرنا خوارنا عه‌له‌فى بۆ مریشكان و ب بهایه‌كێ ئه‌رزان و ئه‌گه‌ر ئه‌ڤه‌ بوونه‌ بریار ژ پارێزگه‌هێ هاتنه‌ ده‌ركرن هه‌تا ئاسته‌كێ باش دێ بهایێ مریشكان هێته‌ خوارێ.

خانى نیۆز، سالار محه‌مه‌د دۆسكى