<h3 style="text-align: justify;"><span style="font-size: 18pt;">راگەهاندنا ساخلەمییا قەزا ئامێدیێ بەلاڤکریە د 24 سهعهتێن بووری دا 69 حالەتێن تووشبوو یێن کۆرونایێ هاتینە تۆمارکرن .</span></h3> <h3 style="text-align: justify;"><span style="font-size: 18pt;">مەسعود تاهر، بەرپرسێ تاقیگەها پشکنینان ل نەخۆشخانا ئامێدیێ بۆ خانی نیوز راگەهاند؛ ههژمارا تووشبوویێن کۆرونایێ ل قەزا ئامێدیێ گەهشتییە ئاستەکێ مەترسیدار و د 24 سهعهتێن بووری دا 248 پشکنینێن کۆرونایێ هاتینە كرن و پشكنینا 69 کەسان پۆزهتیف بوویه و ئەڤه ههژمارەكا مەترسیدارە و بۆ جارا ئێكێ یه د ئهڤ ساله دا ئهو ههژمارا بلندا تووشبوویێن کۆرۆنایێ دهێتە تومارکرن .</span></h3> <h3 style="text-align: justify;"><span style="font-size: 18pt;">مەسعود تاهر زێدەتر گۆت: رۆژانە پتر ژ 100 پشکنینێن کۆرونایێ ل سنورێ قەزا ئامێدیێ دهێنە كرن كو هەر سێ ناحیێن دێرەلوک، شێلادزێ وسەرسنک بخوهڤه دگریت و ژ دهستپێكا بەلاڤبونا كۆرۆنا تا نها 2 هزار 386 کەس ل سنورێ قەزا ئامێدیێ تووشی کۆرۆنایێ بوینە .</span></h3> <h3 style="text-align: justify;"><span style="font-size: 18pt;">بەرپرسێ تاقیگەها پشکنینان ل نەخۆشخانا ئامێدیێ دیاركر، ژ بهر نەپێگیریا وەلاتیان ب رێنمایێن ساخلەمیێ رۆژانە حالەتێن تووشبوویێن کۆرۆنایێ د زێدەبوونێ دانە و ئەگەر وهلاتى خوە نەپارێزن ههژمارا تووشبوون و مرنێ دێ زۆر بلندبیت. </span></h3> <h3 style="text-align: left;"><span style="font-size: 18pt;">هەیوار ستار، خانی نیوز</span></h3>
