ئهندامهكێ لژنا وهرزش و لاوان ل پهرلهمانێ ئیراقێ ئاشكراكر كو یانهیهكا وهرزشی كو گرێدای یاریێن فرین و ئاسمانی یه ل دهۆكێ هاتییه دامهزراندن و دو یانهیێن نوو ژى كارێ ل سهر دامهزراندنا وان دهێتهكرن كو ههر دوو یانه د تایبهتمهندن و دێ یانهیێن ئێكێ بن ل سهر ئاستێ كوردستانێ و ئیراقێ ب ڤێ یارییا وهرزشى.
د.دیار تهیب، ئهندامێ لژنا وهرزش و لاوان ل پهرلهمانێ ئیراقێ، ئهڤرۆ 5ى نیسانێ بۆ خانى نیۆز ئاشكرا كر كو ههماههنگییهكا باش ل گهل رێڤهبهرێ گشتییێ وهرزشێ ل ههرێمێ ههیه، یانهكا وهرزشا ئهسمانى ل دهۆكێ هاتییه دامهزراندن و دوو یانهیێن دی یێن تایبهت ل دهۆكێ كارێ ل سهر دهێتهكرن كو بهێنهدامهزراندن، ههمان ئهندامێ پهرلهمانى یێ بهرههڤ نهبوو بسپورییا ئهوان یانهیان ئاشكرا بكهت ب تنێ دیاركر كو دێ یانهیێن پله ئێك و پیشهنگ بن د وێ تایبهتمهندییێ دا ل ههمى ئیراقێ دهێنهدانان.
