فەرماندارێ فەیلەقا قودس گەهشتنه‌ بەغدا و دگەل گرۆپێن چەكدار كۆمبوویه‌  

ژێده‌ره‌كێ ئه‌منى یێ ئێراقێ بۆ كه‌نالێن میدیایێ راگه‌هاند، فه‌رماندارێ فه‌یله‌قا قودس یا سوپایێ پاسدارێن ئیرانێ ب سه‌ره‌دانه‌كێ گه‌هشته‌ به‌غدا.

ژێده‌رێ ئه‌منى گۆت: فه‌رماندارێ فه‌یله‌قا قودس، ئیسماعیل  قائانى دوهى گه‌هشتنه‌ به‌غدا یا پایته‌خت و هه‌ژماره‌كا كۆمبوونان دگه‌ل سه‌ركردێن گرۆپێن چه‌كدار كرینه‌.

ل گۆره‌ى ئاگاهیێن میدیایا ئیراقى، سه‌ره‌دانا قائانى بۆ به‌غدا ژبه‌ر ده‌ستپێكرنا دانوستاندنێن ستراتیجى یێن چاڤه‌رێكرن دناڤبه‌را ئێراق و ئه‌مریكا دا، كو بریاره‌ ئه‌ڤرۆ بهێن كرن.