شوونوارناسێن مسرى ب دیتنا مهزنترین باژارێ دێرین ل مسرێ كهیفخۆشن و دبێژن: ڤهدیتنا وى باژارى دەستکەفتهكێ مهزنه و دیرۆكا وى بۆ نێزیكى سێ هزار سالان بهرى نها ڤهدگهریت.
تیمهكا شوونوارناسێن مسرێ راگەهاند، ههژمارهكا شوونوارناسان ل ژێر چاڤدێریا زاهی حەواس، شوونوارناسێ ب ناڤ و دهنگ دهستپێكر، باژارهك دیت و ب باژێرێ زێرین ناڤ دكهن.
بێستی براین، پرۆفیسۆر ل شوونوارناسێن مسرێ ل زانکۆیا جۆن هۆپکینز دیاركر، ئهڤه شوونواره یێ دویێ یێ دێرینە ههتا نها ل مسرێ هاتیه دیتن.
ئامینهۆتێپی سێیێ ل سالا 1386ێ ههتا سالا 1349ێ بهرى زاینى دهستههلاتدار بوو؛ تووت عانخ ئاموون ل سالا 1334ی ههتا سالا 1325ێ بهرى زاینى و ئای ئاوهدان ل سالا 1323ێ ههتا سالا 1319ێ بهرى زاینى دهستههلاتدار بوو.
تیما مسرێ ل ئیلۆنا سالا 2020ێ ل ناڤبهرا پەرستگەها رامسیسی سێیێ و ئامینهۆتێپی سێیێ ب دووراتیا 500 کیلۆمەتران ل باشوورێ قاهیرە دەست ب ڤهكۆلینان کریه و پشتى چەند حهفتیان چهندین شوونوار دیتن.
