هه‌ولێر.. گه‌شتێن فرۆكان به‌رده‌وامن

فرۆكخانه‌یا ناڤده‌وله‌تى یا هه‌ولێرێ ئاگه‌هدارییه‌ك ل دۆر گه‌شتێن فرۆكان بۆ وه‌لاتى و گه‌شتیاران به‌لاڤ كر و راگه‌هاند، گه‌شتێن فرۆكه‌یان ل فرۆكخانه‌یا ناڤده‌وله‌تى یا هه‌ولێرێ ب شێوه‌یه‌كێ ئاسایى به‌رده‌وامن و هه‌موو گه‌شت دێ ل ده‌مێ خوه‌ هێنه‌ كرن.

فرۆكخانا ناڤده‌وله‌تى یا هه‌ولێرێ ئاشكرا كر، ئه‌و كه‌سێن گه‌شت هه‌بن پێدڤیه‌ ل ده‌مێ دیاركرى یێ گه‌شتێ ل فرۆكخانێ به‌رهه‌ڤ بن، پشتى ده‌ستپێكرنا قه‌ده‌غه‌یا ده‌ركه‌فتنێ ژى یێ پلێتا گه‌شتكرنێ هه‌بیت دێ رێ پێ هێته‌ دان بچیته‌ فرۆكخانێ.

ئاگه‌هدارییا فرۆكخانا ناڤده‌وله‌تى یا هه‌ولێرێ د وى ده‌مى دایه‌ وه‌زاره‌تا ناڤخوه‌یا حكومه‌تا هه‌رێما كوردستانێ بریار دایه‌ ژ رۆژا 8ێ تا 12ی نیسانێ قه‌ده‌غه‌یا ده‌ركه‌فتنا ترۆمبێل و پیادان ل هه‌موو پارێزگه‌هێن هه‌رێمێ ژ سه‌عه‌ت 8 تا 6ی سپێدێ بهێته‌ بجهئینان.