ئەمیندارێ گشتی یێ کۆمکارا ئەرەبی ل به‌غدا یه‌

ئەمیندارێ گشتیێ کۆمکارا عەرەبی گەهشتە بەغدایا  پایتەختی ئیراقێ.

په‌یڤدارێ وەزارەتا دەرڤه‌یا ئیراقێ راگه‌هاند؛ ئەحمەد ئەبولغەیت، ئەمیندارێ گشتی یێ کۆمکارا عەرەبی گەهشتە بەغدا و بریارە د گه‌ل وه‌زیرێ ده‌رڤه‌یێ ئیراقێ و به‌رپرسێن بلندێن وى وه‌لاتى كۆم بیت، ‌لێ تا نها ناڤه‌رۆكا كۆمبوونێ نه‌هاتییه‌ راگه‌هاندن.

سەردانا ئەمیندارێ گشتیێ کۆمکارا عەرەبی بۆ بەغدا پشتى سەره‌دانا مستەفا کازمی، سەرۆکوەزیرێن ئیراقێ بۆ ئه‌ره‌بستان سعوودیێ و ئیماراتا عه‌ره‌بى دهێت، ژ بۆ رێكخستنا کۆمبوونا چاڤه‌رێكرى یا بلندا ئیراقێ، ئوردن و مسرێ دناڤبه‌را كازمى، شاهـ عه‌بدوللایێ دویێ شاهێ ئوردن و عه‌بدولفه‌تاح سیسى سه‌رۆككومارێ مسرێ دهێت.

ب بۆچوونا چاڤدێرێن سیاسی مستەفا کازمی بزاڤان دكه‌ت ئیراقێ نێزیكی وه‌لاتێن عه‌ره‌بی بكه‌ت.