ئێڤارییا ئهڤرۆ شهمبی 10-4-2021 نێچیرڤان بارزانی سهرۆكێ ههرێما كوردستانێ ل گهل محهمهد حهلبووسی سهرۆكێ جڤاتا نوونهرێن ئیراقێ كۆمبوو.
ل گۆری راگههاندنهكا سهرۆكاتییا ههرێمێ، د كۆمبوونێ دا گۆۆتوبێژ دهربارهی پێشهاتێن رهوشا وهلاتی و چهند پرسهكێن جهێ گرنگیدانا ههڤبهش هاته كرن و دووپاتی ل سهر گرنگییا بهردهوامییا كۆمبوونان بۆ چارهسهركرنا ئاریشهیێن ههلاویستی ل دووڤ دهستوری و بجهئینانا بهندێن یاسایا بۆدجهیا فیدرالی هاته كرن كو ل ڤێ دووماهییێ هاتییه پهسهندكرن كو مافێ وهلاتییێن ئیراقێ ب پارێزیت.
ههر د كۆمبوونێ دا ئاماژه ب گرنگییا ئهنجامدانا ههلژارتنێن پێشوهخت یێن ئیراقێ د دهمی خوه دا هاته كرن و رهخساندنا سهقایهكێ گونجای بۆ ئهنجامدانا وێ كو وهلاتی نوونهرێن خوه ب ئیرادهیهكێ ئازاد ههلبژێرن و باوهرییا وان ب ئهنجامێن وێ ب هێز بیت.
