وه‌زیرا ده‌رڤه‌ یا ئسپانیا دێ سه‌ره‌دانا به‌غدا و هه‌ولێرێ كه‌ت

وەزیرا دەرڤەیا ئسپانیا دێ سەرەدانا ھەولێرێ و بەغدا کەت و پەیوەندیێن دوقۆلی گۆتوبیژ کەت.
وەزارەتا دەرڤەیا ئسپانیا د بەیانەکێ دا راگەھاند، ئارانچا گۆنزالێس رۆژێن دوشەمبی و سێشەمبی یێن بھێن دێ ب سەرەدانەکا فەرمی چیە بەغدا و ھەولێرێ و دێ پەیوەندیێن سیاسی و ئابووری و بازرگانی د گەل بەرپرسێن ئیراقێ و ھەرێما کوردستانێ گۆتوبیژ کەت.
وەزارەتا دەرڤەیا ئسپانیا دیار کر، چارا ئێکێ وەزیرەکا ئسپانی د پێنج سالێن بووری دا سەرەدانا ئیراقێ بکەت، د ڤێ سەرەدانێ دا دێ د گەل سەرۆککۆمار و سەرۆکوەزیر و وەزیرێ دەرڤە یێن ئیراقێ کۆم بیت و دێ سەرەدانا بنگەھێ ھەڤپەیمانان کەت و د گەل سەرکردێن سەربازی کۆم بیت.