ئامێدیێ..خۆلا راهێنانا راهێنەران ب داوى هات

خۆلا راهێنانا راهێنەران بۆ 27 کادرێن لقا 18 یا پارتییا دیموکراتا کوردستانێ ل ئامێدیێ ب داوى هات.

عەونی ئەرتیسی، بەرپرسێ نڤیسنگەها رەوشەنبیری و راگەهاندنا لقا 18 یا پارتی بۆ خانی نیوز راگەهاند: ئەڤرۆ درێورەسمەکێ دا داوى ب خۆلەکێ ژ بۆ بەرهەڤکرنا چەندین راهێنەران ل سنۆرێ لقێ و ژ هەر هه‌شت لژنێن ناوچەیان ب داوى هات کو بۆ دەمێ حه‌فت رۆژان بەردەوام بوو.

عەونی  ئەرتیسی گوت: ژ ئەگەرێ بەربەلاڤبوونا ڤایرۆسێ کۆرۆنایێ نەچاربووین ب رێیا ئۆنلاین خولێ ڤەکەین و 27 هەڤالان ژ هەردو رەگەزان پشکداری کریە و ژ ئالیێ هەژمارەکا مامۆستایێن شارەزا بابەتێن جودا هاتینە پێشکێشکرن و مەشق و راهێنان هاتینە كرن، ل داویا خولێ دا ئەڤرۆ پشتی ئەزمونێن پێدڤی باوەرنامە ل سەر دەرچوویان هاتنە به‌لاڤكرن.

خانى نیوز، هەیوار ستار