سه‌رۆكێ هه‌رێمێ: ئیراق یا به‌ره‌ڤ ساقامگیرییێ دچیت

سه‌رۆكێ هه‌رێما كوردستانێ، نێچیرڤان بارزانی، راگه‌هاند، چاره‌سه‌رییا كێشه‌یێن د ناڤبه‌را هه‌ولێر و به‌غدایێ د‌ به‌رژه‌وه‌ندییا كوردستانێ و ئێراقێدایه‌.‌

د لێدوانه‌كێ دا بۆ كه‌نالێن راگه‌هاندنێ، سه‌رۆكێ هه‌رێما كوردستانێ، گۆت: دڤێت پێكڤه‌ چاره‌سه‌ریان بۆ كێشه‌یێن د ناڤبه‌را هه‌ولێر و به‌غدا دا بینن و دێ چاره‌سه‌رییه‌كێ بۆ وان كێشان بینین، ئیراق یا به‌ره‌ڤ ساقامگیرییا ئه‌منى دچیت.

نێچیرڤان بارزانی، گۆت ژى: هه‌ر پێشكه‌ڤتنه‌كا د وى بواری دا  ‌د به‌رژه‌وه‌ندییا هه‌رێما كوردستانێ و هه‌موو ئیراقییانه‌‌.

سه‌رۆكێ هه‌رێما كوردستانێ، نێچیرڤان بارزانی، د دووه‌م رۆژا سه‌ره‌دانا خوه‌ دا بۆ ئیراقێ دگه‌ل هژماره‌كا سه‌ركرده‌ و لایه‌نێن سیاسى كۆمبوو.

دووهى، سه‌رۆكێ هه‌رێما كوردستانێ سه‌ره‌دانا به‌غدایێ كر، و د ‌گه‌ڵ هه‌ر سێ سه‌رۆكایه‌تیێن ئیراقێ كۆمبوو.‌

‌