به‌رپرسێ جڤاتا سه‌ركردایه‌تییا پارتیا دیمۆكراتا كوردستانێ ل كه‌ركووك و گه‌رمیان راگه‌هاند، ڤه‌گه‌ریانا پارتى بۆ كه‌ركووكێ گرێداى ئاساییكرنا ره‌وشا وى باژارى یه و بۆ وێ یه‌كێ ل سه‌ر ئاستێن بلند كار دهێته كرن.
د. كه‌مال كه‌ركووكى ئاشكرا كر، باده‌كا ئێمناهی و سه‌ربازى یا پارێزگه‌ها كه‌ركووكێ پێدڤییه ل گۆره‌ى پلانه‌كێ پێشمه‌رگه و سوپایێ ئیراقێ ب هه‌ماهه‌نگى د گه‌ل هه‌ڤدو ل ده‌رڤه‌ى باژار و قه‌زا و ناحیان جێگیر بن و ڤالاتییا ئه‌منى پربكه‌ن و ده‌ڤه‌رێ بپاریزن، ل ناڤا باژارى ژى باده‌كا ئه‌منى بكه‌ڤیته ده‌ستێ پۆلیسان و دیاردا چه‌كدارى نه‌مینیت و حه‌شد و هێزێن دى ده‌ربكه‌ڤن، باده‌كا سیاسى ژى پێكهاتییه ژ راده‌ستكرنا باره‌گه‌هێن پارتى و پارتییا گه‌ل یا توركمانى.
