نێچیرڤان بارزانى و عه‌ممار حه‌كیم كومبوون

سه‌رۆكێ هه‌رێما كوردستانێ د به‌رده‌وامییا كۆمبوونێن خوه‌ دا دگه‌ل به‌رپرسێن بلند یێن ئیراقێ، ئه‌ڤرۆ دگه‌ل سه‌رۆكێ ره‌وتا حیكمه‌ و سه‌رۆكی هه‌ڤپه‌یمانییا ئیراقییون كۆمبوو .

نێچیرڤان بارزانى، سه‌رۆكێ هه‌رێما كوردستانێ ئه‌ڤرۆ گه‌هشته‌ باره‌گایێ ره‌وتا حیكمه‌ ل به‌غدا و ژ لایێ عه‌ممار حه‌كیم، سه‌رۆكێ وێ ره‌وتێ و سه‌رۆكێ هه‌ڤپه‌یمانییا ئیراقییون پێشوازى لێ هاته‌كرن و د گه‌ل ئێك كۆمبوون‌.

ل گۆره‌ى به‌رنامێ سه‌ره‌دانا وى، ئه‌ڤرۆ سه‌رۆكی هه‌رێمێ ل به‌غدا دێ 9 كۆمبوونان دگه‌ل سه‌ركردێن شیعه‌ و سوننان كه‌ت.

نێچیرڤان بارزانى، سه‌رۆكێ هه‌رێما كوردستانێ ب سه‌ره‌دانه‌كا دو رۆژى ل به‌غدایه‌ و دوهى چه‌ندین كۆمبوون دگه‌ل هه‌رسێ سه‌رۆكاتیێن ئیراقێ كربوون، بریاره‌ ئه‌ڤرۆ ژى هه‌ژماره‌كا دیدار و كۆمبوونان دگه‌ل سه‌ركردێن سیاسى یێن ئیراقێ بكه‌ت.