رێڤه‌به‌رییا گشتییا حه‌ج و عومرێ راگه‌هاند: ب تنێ وان كۆمپانییان مافێ گةشتكرنێ هه‌یه یێن كو مامه‌لێن وان ته‌مام بووین.
رێڤه‌به‌رییا گشتییا حه‌ج و عومرێ ل هه‌رێما كوردستانێ د ئاگه‌هادارییه‌كێ دا راگه‌هاندییه: پشتى ئاگه‌هداركرنا سه‌رجه‌م كۆمپانیێن حه‌ج و عومرێ و درێژكرنا ده‌مێ پێشكێشكرنێ بۆ وه‌رگرتنا ته‌نده‌ر و رێنمایێن (گه‌شتێن عومرێ) یا وه‌رزێ ئه‌ڤ ساله 2021ێ، ئه‌ڤرۆ دووشه‌مبى ده‌مێ دیاركرى ب دووماهیك هات و دابه‌شكرنا ته‌نده‌ر و رێنمایان ل رێككه‌ڤتى 12-4-2021ێ ل ده‌مژمێر 12 پشتى نیڤرۆ هاتنه راوه‌ستاندن.
هه‌روه‌سا گۆتییه، ئه‌و كۆمپانیێن كو ته‌نده‌ر و رێنما وه‌رگرتین و مامه‌لێن وان ته‌مام بووین، ب تنێ ئه‌وان مافێ گه‌شتكرنێ و ڤه‌گۆهاستنا عومره‌كاران ل هه‌رێما كوردستانێ هه‌یه، به‌رۆڤاژى هه‌ر كۆمپانییه‌ك سه‌رپێچییا رێنمایان بكه‌ت دێ روو برووى یاسایێ بیت.
