ئەڤرۆ ب ئامادەبوونا پارێزگارێ دهۆکێ و ڕێڤەبەرا ڕێک و پران ل دهۆکێ و سازیێن حکومی ل زاخۆ جاددهیا ناڤ دەولەتی یا ئيبراهيم خهليل ل زاخۆ كو ب کۆژمێ 7 ملیار و 840 ملیۆن دينارێن ئێراقی ژلایێ كۆمپانيیا كاڤين گروپ ڤە دهاتە دروستکرن ئەڤرۆ دووماهی هات و کەفتە دخزمەتا ڕێڤینگ و شۆفێران دا.
دلشێر عەبدولستار هەرێمدارێ زاخۆ دەربارەی جاددەیا ئیبراهیم خەلیل یا ناڤ دەولەتی بۆ خانی نیوز ڕاگەهاند، پڕۆژە پێک هاتییە ژ فرەهکرن و فەرشکرنا تەخەکا بایندەر سێرڤس بۆلیمەر ل سەر هەمی جاددهیێ ب درێژاهییا هەشت کیلۆمەتران و ب فرەهییا سێزدە مەتران، دگەل دروستکرنا سۆلینەکا سێ هزار مەتری و چەنەلەکێ ڤەکری و دانانا کلبستۆنی ب درێژاهییا چار هزار مەتران.
هەرێمداری ئەو چەندە ژی دا زانین پڕۆژە بۆ دەمێ 360 رۆژان بوو، بەلێ كۆمپانییا ناڤهاتی بەری دەمێ خوە ئانکو ددەمێ 120 رۆژان دا خلاس کر و وئەڤرۆ جاددهیا ناڤ دەولەتی یا ئیبراهیم خەلیل ب ڕوویێ شۆفێران دا هاتە ڤەکرن.
