مەسروور بارزانی دوپاتى ل خزمه‌تێن زێدەتر بۆ کەسوکارێن شەھیدان كر

سەرۆکێ حکومەتا ھەرێما کوردستانێ راگەھاند، حکومەتا ھەرێمێ پێگیرییا خوە بۆ خزمەتکرنا زێدەتر یا کەسوکارێن شەھیدان دوپات دکەت.
مەسروور بارزانی د تویتەکی دا راگەھاند، بیرەوەریا شەھیدێن کیمابارانا بالیسان و شێخ وەسان و دۆلا خۆشناوەتی ب رێز ساخ دکەن کو بەری ٣٤ سالان ژ ئالیێ رژێما بەعس ڤە کۆمکوژی ل دژی وان ھات بوون کرن.
مەسروور بارزانی دوپات کر، حکومەتا ھەرێمێ پێگیرییا خوە ب خزمەتکرنا زێدەتر یا کەسوکارێن شەھیدان دوپات دکەت.
ل گۆرەی بریارا ژمارە ١ یا سالا ٢٠٠٨ێ کو ل رۆژا ٧ی نیسانا ٢٠٠٨ێ دەرکەفتی، رۆژا ١٦ی نیسانێ ژ ھەموو سالەکێ وەکو رۆژا ژینگەھـ پارێزییا کوردستانێ ھاتیە دەستنیشانکرن، کو د وێ رۆژێ دا ل سالا ١٩٨٧ بۆ جارا ئێکێ رژێما بەعس چەکێ کیمیایی ل دژی خەلکێ کوردستانێ بکارئینا و دەڤەرێن دۆلا بالیسان و شێخ وەسان کیمیاباران کربوون.